Faltan moi poucos días para unha das datas máis importantes do ano: o Día Internacional do Orgullo LGTBIQ+. Dende a nosa asociación xa estamos ultimando todos os detalles para vivir unhas xornadas de profunda celebración e, sobre todo, de firme reivindicación. Como símbolo deste compromiso, a bandeira arco da vella xa ondea con orgullo no balcón da nosa sede, lembrando a todo o mundo que este é un espazo seguro, libre e acolledor.
Este ano, o noso activismo vaise facer notar con forza. Dende Trans Miño LGTBIQ+ participaremos activamente nas manifestacións que están organizadas, unindo as nosas voces ás de miles de persoas para esixir que os dereitos LGTBIQ+ se respecten e se protexan en cada rincón, poñendo un foco moi especial na realidade do noso medio rural.
Convidámosvos a sumarvos, a saír á rúa connosco e a encher o Miño dunha marea de respecto e igualdade. ¡O futuro escríbese con todas as cores do arco da vella!
¡Nos vemos nas rúas! ¡Feliz Orgullo a todas, todos e todes!